自從用左YAHOO開檔後,發覺YAHOO好用得多,難忍SINA BLOG每次上載照片要一張一張按,難忍擺相又要一張一張按,真係十級麻煩.

所以決定搬家,再加上YAHOO好用之處,可以整只限朋友觀看,避免一些麻煩友,

又可以睇到邊個入過黎,實在非常之好用.

雖然真係好唔捨得SINA,話哂都跟我成2年有多,同埋比左好多心機落去整靚靚,

但都敵唔過YAHOO既好用,都係要搬過黎.

都好既,新BLOG新作風新開始........

新BLOG將只會供給朋友仔遊覽,

小肥,新血,VAN仔,你地入左黎我再加你地做朋友呀~甘就睇到架啦~HOHOHO

http://hk.myblog.yahoo.com/bebe14372000/

今日見有少少得閒~同埋買餸果時見到有鮮百合買~

於是就買左返黎煲粥仔比爆笑童食~

童童開始唔係甘鐘意食平時d糊仔啦~成日食到中途都攪攪陣~

可能日日都係呢樣味~所以唔like~

上次試過大姨婆個愛心粥之後~童童應該鐘意食愛心粥多d~~

所以今日就煲鮮百合三文魚粥~好好味~又有益~三文魚有營養~鮮百合好似係化痰止咳果類啦~都係好野黎架~

尋日見到kk話有玩具開倉,話d玩具平得好緊要~

甘我就問下係邊樹啦~打算星期日同yoyo佢地去睇~

點知落街買餸果時~電話響起~~~

原來qq約左baal今日去睇~問我有無興趣join埋~

仲話一齊去睇下622攪聚會個場o唔ok~~~

我見時間都ok~甘就一齊去睇下啦~哈哈

話說上回大頭蝦既我,幫童童去拎特區,唔記得帶出世紙

好彩最後拿拿聲返屋企拎返,趕得切返去再拎~

今年係童童出世之後既第一個母親節

都係我第一個真真正正當媽媽之後既母親節~

上年唔計啦~都無咩感覺~kakaka

今時今日既爆笑童基本上可以改名叫喊包童~

除左係屋企熟悉既環境會同以前一樣之外~

出到街一多人對住佢就喊~人地抱又喊~真係好唔比面~

今餐係為童童而設~想煲下粥仔比佢食~

甘就買左鯇魚腩~波菜~整粥食~~

但係童爸又點能夠甘清淡呢....所以裝起左比童童之後~我就加返d肉碎~

同埋整個蝦醬雞翼~~~今次個雞翼應該好好食~~見到童爸起勢係甘食~都食左差不多有10隻~~~kakaka

但個粥好似唔係甘岩童童食~~下次煮第2樣先~~

本來今餐黃生話食外賣,但我堅持都係自己煮,

因為以家屋企4個人食飯,如果叫外賣既話,就起碼成百幾蚊架啦

又唔係多野食,所以我都係自己煮,慳d麻

買餸前,黃生點名要食咸魚肉餅,又話唔好蒸,要煎

又話佢自己煎......到最後我當然叫返佢自己煎啦~哈哈

真係難得,同黃生一齊甘耐,都算係第一次入廚,果d公仔面唔計啦

回鍋肉,煎咸魚肉餅,瑞士雞翼,粟米玉子豆腐,粉葛湯

今日約左yoyo係mk等,打算去睇下6月攪聚會個場.

順便試埋d野好唔好食....

上次bbq時,得知企鵝仔有喜,事隔個幾2個月,企鵝b已經出左世啦

今日rm佢地就約埋我地一齊去探企鵝b~